تذكرة سفر مع عضوهـ ..#

السلام عليكم
اشكر عزيزتي بصمه كويتيه على هالموضوع الرائع
وعذراً لتأخري بالرد

آنا بقولكم بس بشرط تتخيلون انكم سافرتوا معاي
الدوله اهي اجمل واحب بقاع الله
مكه المكرمه الله يشرفها

اولا: الهاند باق ماقص عليكم خذيت3وحده حيل صغيره معاي على طول >اهي نفس مالت الموبايل
>هذي لها مواقف طريفه بتضحكون عليها شوي
وال2 كان فيها الملابس اللي راح احرم فيها
وال3 حيل كبيره خواتي موصيني بهدايا والا ماادخل البيت اذا رجعت من السفر

ثانيا: آنا مسافره مع خالي وجدتي ام امي وجدتي ام ابوي ولد خالي
فشوفوا الدلع وناسه

المهم لما رحنا الميقات >المكان اللي نحرم منه
كان الشتا والماي باااااااارد بمعنى الكلمه
يمااااااااااااه مادري اشلون تسبحنا
لحظه عشان اكمل مسكوا بطونكم يعني تجهزوا للضحكه
اهو نظام دورات مياه فيها بس دش للشاور
عاد احا 3حريم كلنا على كبينه وحده دخلت اول وحده جدتي ام ابوي
والا مانسمع الا شهيق وزفير عميـــــــــــق من برودة الماي
ونضحك عليها ومسكينه ماتلااااام
بعدين جدتي ال2 اهم خوات زين
والا نفس الموقف واضحك عليها انت من صجج
والا بس تصارخ
جاااا دوري>جاك الموت ياتارك الصلاه
يماااااه ثلج مو ماي والجو باااارد
قمت اصرخ وادش تحت الماي ثواني واوخر وارد اصرخ وادش تحت الماي
قاموا جداتي يضحكوووون بصوت عالي حرام عليكم ليش تضحكون
جان يقولون احسن انت اللي بديتي وضحكتي علينا

خلصنا من الميقات ورحنا لفندق جاد
اهو حلو ولاباس فيه بس توهقنا بشي
طلبنا المنيو نبي ناكل
والا المينو مكتوب بالايراني
اللحين اشلون نفهم؟!
رحت المطعم اللي يم الفندق وطلبت وانتهى الموضوع


اعتمرنا بفضل الله
بعد ماخلصنا
تذكروا اول هاند باق قلت لكم عنها
اهي موهاند باق اهو البوك مال الموبايل معلقته برقبتي
ولاني مابي اشيل جنطه تأذيني حاطه الفلوس فبوك الموبايل
ومدخله البوك داخل العبايه
منو الشاطره اللي فهمت؟
المهم صرت جني عجوز اذا بطلع فلوس ادخل ايدي داخل العبايه وافتك البوك مال الموبايل واطلع الفلوس


في موقف بعد
جداتي ال2 مايشوفون عدل
او بالاصح وحده ماتشوف ووحده ماتمشي عدل
لما جينا عند السلم
جان اطالع ولد خالي
بحقد
لانه ماشي بروحه وآنا ماسكه ال2
جان اقوله
"محمد!!
اخذ ام ابوك وآنا باخذ ام ابوي"



بس مكه سبحان الله بلاد تطمئن فيها النفوس
وتستقر وتسك فيها
سبحان الله كانت شرحه


هذا اللي طرالي اقوله
واشكر لكم القراءه
وسووووري ع.الاطاله

تسلمين يا بصمة

تسلمين يا بصمة